Karneta

Karneta behar duten bidaitxartelak

kide karneta: hileroko bidaitxartela eta Super 50.

Gazte karneta: gazte bidaitxartela.

Gizatrans karneta: Gizatrans bidaitxartela.

Karnetak egitea
Metro Bilbaoko karnetik atera edo lehendik daukana berritu nahi duenak Bezeroaren Arretarako lau bulegoetako batera joan beharko du. Ez dago zertan norbera joan, beste edozein joan daiteke bezeroaren beraren ordez.

Hona hemen karneta ateratzeko baldintzak:

• Oraingo argazki bat, koloretan (ezinbestekoa interesatua bera ez badoa).
• ENA originala (gidatzeko baimena zein pasaportea ere onartuko dira). Atzerritarrei identifikazio edota egoile txartelak ere onartuko zaizkie.
• 3 euro
• Gizatrans Karneta daukatenek, erabateko ezgaitasun, ezgaitasun larri edo %65 edo gehiagoko ahalmen urritasuna badaukate, egiaztagiri edo ebazpen originala aurkeztuko dute.
• ENArik ez daukaten 14 urtetik beherakoek familia liburu originala eta guraso baten, edo gurasorik ezean, tutorearen ENA originala aurkeztuko dituzte.

Karnetak berritzea:
Bulegoetan karnetak berritzen dira:

• Galera edo lapurreta kasuetan:
  beste 3 euro ordaindu behar dira. Gainerako dokumentazioa (ENA...) galdu bada, familia liburuarekin edo galera edo lapurretarengatik poliziarenean jarritako salaketarekin identifikatuko da.
• Hondatze kasuetan:
  bezeroaren erruz hondatu bada, 3 euro kobratzen dira; bestela, doan aldatzen da.

Bidaiatzeko txartel jakin batzuen salmenta:

Gazte eta familia ugarien bidaitxartelak Bezeroen Arretarako Bulegoetan soilik luzatuko dira. Bigarren horiek eskuratzeko familia ugariaren karneta edo fotokopia balioetsia aurkeztu behar da.

Bidaia txartelen trueka eta berriak ematea:

Bezeroen Arretarako Bulegoetan trukeak egiten dira (galera, lapurreta, hondatze, aldi baterako zein behin betiko gune hedapen eta gune aldaketengatik), baita deuseztapenak ere.
Bezeroaren erruz hondatu ez diren txartelen trukeak eta deusteztapenak bulego horietan zein geltokietan egin daitezke.

Galdutako gauzak:

Aurkitu edo jasotzen diren geltokietan egun batez edo bi egunez edukiko dira, baina tratamendua San Inazioko Bezeroaren Arretarako Bulegoan zentralizatuko da.
Geltoki batera zerbaitengatik galdezka joaten zaizkienean, geltokiko langileek, bezeroak San Inazioko bulegora bidali baino lehen, telefonoz deituko dute.

Kidea

Iraungipena: 5 urtera
Nork berea, beste inork ez erabiltzekoa.
Kide karneta ateratzeko, bezeroen arretarako bulego batera (Areetako Ibaigane kaleko 17an, San Inazioko, Zazpi Kaleetako eta Ansioko geltokietan) joan eta hauxe aurkeztu:

• Jatorrizko NA
• Argazki bat
• 3 euro

Bezeroaren erruz hondatu, galdu edo lapurtuz gero, berria luzatzeko 3 euro ordainduko da.

Gaztea

Iraungipena: 5 urtera
Nork berea, beste inork ez erabiltzekoa.
Gazte karneta ateratzeko, Bezeroen Arretarako Bulego batera (Areetako Ibaigane kaleko 17an, San Inazioko, Zazpi Kaleetako eta Ansioko geltokietan) joan eta hauxe aurkeztu:

• Jatorrizko NA
• Argazki bat
• 3 euro

NArik gabeko 14 urtetik beherakoek guraso baten jatorrizko NA eta jatorrizko famili liburua.
Bezeroaren erruz hondatu, galdu edo lapurtuz gero, berria luzatzeko 3 euro ordainduko da.

Gizatrans

Non ateratzen da GIZATRANS nortasun txartela?

• Metro Bilbaoren Bezeroen Arretarako Bulegoetan
• BGPren Bezeroen Arretarako Bulegoetan (San Mames)
• Bilbobusen Bulegoetan (Francesc Macíá 4, Deustua)
• Bilboko Udaleko Barruti-bulegoetan (2008ko otsailaren 29ra arte, eta udalak aurretik jarritako hitzorduan)

Zer dokumentazio aurkeztu behar da?

• Jatorrizko NAN edo pasaportea
• Oraingo argazkia
• 3 euro
• Izanez gero, erabateko ezgaitasunaren, ezgaitasun larriaren edo %65 edo gehiagoko ezintasunaren jatorrizko frogagiria.
• Nortasun txartela bertan egin eta ematen da.

Gizatrans nortasun txartela 3 euroren truke egiten da. Lehendik Metro Bilbaoko Plus nortasun txartela zein Bilboko udalekoa indarrean daukatenei trukea doan egingo zaie, baina lehengo nortasun txartelaren iraungipen datarekin.

Metro Bilbaoko plus nortasun txartelak iraungi arte balioko du, eta EuskoTreneko tarifa merkeetarako nortasun txartelarekin ere erosiko ahalko dira Gizatrans bidai txartelak.