Ongi etorri, Abatxolo eta Portugalete!
Ongi etorri 2007ko urtarrilaren 20an gure metro sarera sartu zareten Portugaleteko
herritar guztiok! Gure fosterito birtualean gure hiri trenari ahalik eta
etekinik onena atera diezaiozuen interesgarri iritzi diogun informazioa
aurkituko duzue.
Batetik, Metroa atala ikustera sartzen bazarete, ibilbidearen, teknologiazko
euskarriaren, kudeaketaren gaineko informazioa jasoko duzue, eta Norman
Fosterren diseinu arkitektonikoan zeharreko bisita birtuala egiteko aukera
ere eskainiko zaizue.
Bestetik, “Zu” izeneko atalean, ibilbidean zehar erraz eta eroso bidaiatzen
lagunduko dizueten metro zerbitzuari buruzko kontu eta xehetasun guztiak
aurkituko dituzue. Hartara, aurrerantzean bidaitxartelen optimizatzailearen
laguntza ere izango duzue, zuen garraio beharrei preziorik onenean ondoen
doakiona gomendatuko baitizue. Bidaia bakoitzak zenbat irauten duen, metroko
azkeneko albisteak, zuek sarrien egiten dituzuen galderak zein diren, gure
geltokietako bakoitza non dagoen eta zer zerbitzu daukan, trenen ordutegiak
eta maiztasunak zein diren jakin ahalko duzue, eta txikienentzat prestatu
dugun Metrotxiki izeneko atala ere aurkituko duzue.
Era berean, “Zure helmuga” atalean, hirian zehar metro txartelari ahalik
eta etekinik handiena aterata bidaiatzeko aukera ere eskaintzen dizuegu.
Geltoki bakoitzaren inguruaren kaleen planoak, klikatze hutsarekin, beste
garraiabide batzuekiko loturak, parkingak, toki turistikoak, astialdi guneak,
ospitaleak eta anbulatorioak non dauden erakutsiko.
Azkenik, gonbitea herritar guztiei luzatu nahi diegunez, bertsio irisgarria
ere erantsi dugu.
Zuen etorrerak kalitatezko zerbitzua eskaintzen are gehiago ahalegintzera
bultzatzen gaitu.
Zuzendari Nagusia
