Metroa instalazio koadro ikaragarri handiaz osatuta dago. Instalazio batzuk lagungarri besterik ez dira, baina zerbitzuaren kalitatearen maila definitzen dute.
Eskailera mekanikoak metroko sarearen erabiltzaileek gora eta behera ibiltzeko
eta hara eta hona heltzeko ohiko bidea dira.
Eskailera automatikoak batera zein bestera ibil daitezke eta, hartara, trafiko
premia baten aurrean, igo ala jaisteko norabidean jar daitezke.
Metroko geltoki guztiak ibiltzeko arazoak dauzkaten pertsonen eskueran daude.
Metroko geltokiak bi altueratan daude, bata kaien parean, nondik trenera
sartzen zaren eta, bestea, kaien gainean, non harrera guneak, txarteldegiak
eta bidaiariak trenen bi norabideetan banatzeko eremuak dauden. Igogailuen
instalazioak ere eskema berari jarraitzen dio.
Kaletik geltokira heltzeko igogailu bakarra dago. Igogailuek bidaiariak
banaketako eremuetaraino eramaten dituzte. Zortzi pertsonarentzako tokia
daukate.
Banaketako eremuetan, aldi berean, beste bi igogailu daude, kai bakoitzerako bana, bidaiariak metroaren bi norabideetako bakoitzari dagokion kaira eramateko. Panoramikoak dira barrutik, eta zortzi pertsonarentzako tokia daukate.
Txarteldegiek ukimenez dabiltzan pantailak dauzkate, salmentaren mekanika errazteko.
Kreditu txartelez ere ordaintzeko aukera eskaintzen dute.
Geltoki guztietan txartelak balioztatzeko makinak daude, batzuek pasabide
zabalagoaz, haurtxoen gurditxoak, gurpildun aulkiak, ekipajeak eta abarrak
igaro ahal izateko.
Kaipeko erauzpenezko aireztapena: Geltoki bakoitzean aireztapen instalazio bat dago, funtsean aireztagailuz, iragazlez eta isiltzailez osatuta, baita kaipeko bide eta horien moldatu eta ixteko ataskak ere. Geltokietan aire kalitate egokia mantentzeko dira. Geltoki bakoitzean bi aireztagailu jartzen dira.
Larrialdietako aireztapena:Larrialdietako aireztapen sistemak surik izatekotan
pertsonak kerik gabeko eta kontrolpeko hozperoan dauden bideetatik husteko,
erreskate taldeak suaren iturburura hurbiltzeko eta trenen bat geltokien
artean gertatzekotan tunelak aireztatzeko aukera eskaintzen du.
Lurpeko geltoki bakoitzak punpatzeko bi putzu dauzka, bakoitza mutur batean,
lurpeko bideko tokirik baxuenetan, hala nola, Elorrietan eta Olabeagan,
estrategikoki kokatuta dauden beste putzu batzuk ere badauden arren.
Urak maila jakin bat iristen duenean saneamenduko sarera bidaltzen da.
